Er Espòrt Blanc Escolar consolide era sua preséncia ena Val d’Aran e apròpe es espòrts de nhèu as escolans deth territòri

Aguesta sason d'iuèrn, es escolans e escolanes de 3au e 4au de primària dera Val d'Aran an tornat a participar en programa d’Espòrt Blanc Escolar, ua iniciativa que les permet descorbir e practicar es espòrts de nhèu en contacte damb era montanha, damb eth supòrt dera Generalitat de Catalunya.

Eth programa ei gestionat peth Conselh Esportiu dera Val d'Aran damb eth supòrt deth Conselh Generau d'Aran, en tot promòir er espòrt de base, escolar e popular en territòri.

I an participat es escòles ZER Val d'Aran, Escola Garona, Escòla Sant Ròc e Escòla Alejandro Casona, qu’an pogut víuer diuèrses jornades d’espòrt, aprenedissatge e convivéncia ena nhèu.

Era jornada finau entàs escolans de 4au se celebraue ena estacion de Beret, damb ua trobada fòrça especiau damb escoles dera Alta Ribagorça, en tot reforçar er afrairament e era collaboracion entre territòris de montanha. Tara graduacion i assistie eth conselhèr d’Espòrts deth Conselh Generau d'Aran, Javier Cavero, tà acompanhar as mainatges e mainades.


#ValdAran #EspòrtBlancEscolar #EspòrtDeBase #Montanha #EspòrtEscolar

Mès Informacion: https://shorturl.at/tGJ3a


HÒNT: CONSELH GENERAU D'ARAN