Er Ajuntament de Vilamòs contunhe apostant peth territòri e era prevencion d’incèndis

Des der Ajuntament de Vilamòs volem compartir ua molt bona notícia: auem aumentat eth ramat municipau de oelhes e crabes, en tot refermar atau eth nòste compromís damb ua gestion sostenible deth territòri. 

A finals deth passat mes de deseme incorporèrem 48 oelhes araneses, e aué dam era benvenguda a 20 crabes dera raça Florida.


Aguest aument deth ramat a estat possible gràcies ara aportacion economica d’Endesa e Redeia, laguens deth projècte Ovihuec, as quaus volem arregraïr eth sòn supòrt e collaboracion.


Damb aguesta incorporacion, eth ramat municipau supère ja es 200 caps de oelhes e crabes, çò que mos permeterà:

- Milhorar era gestion deth territòri

- Refòrçar era prevencion d’incendis foresaus

- Cuadar eth nòste entorn naturau d’ua manèra mès sostenible


Contunham trabalhant entà un Vilamòs e Bordeta mès verd, segur e compromés damb eth miei ambient.


HÒNT: AJUNTAMENT DE VILAMÒS