Er Ajuntament de Vielha e Mijaran a iniciat ua pròva pilòt damb era installacion de cinc paperères intelligentes distribuïdes en èish comerciau de Vielha

Er Ajuntament de Vielha e Mijaran a iniciat ua pròva pilòt damb era installacion de cinc paperères intelligentes distribuïdes en èish comerciau de Vielha, damb er objectiu de melhorar era eficiéncia deth servici de neteja e era qualitat der espaci public.


Aguestes unitats incorpòren placa solara e un sistèma de compactacion que redusís eth volum des residus depausadi, en tot aumentar era capacitat utila de cada paperèra e en tot amendrir era frequéncia de uedat. Ath delà, dispòsen de sensors que monitorizen eth nivèu d’aumplit e permeten enviar avisi ath servici de neteja quan s’apròpen ara sua capacitat, en tot facilitar era planificacion dera retirada en moment avient e en tot priorizar es punts de màgerr emplec.


Damb aguesta accion, er Ajuntament cerque auançar de cap a un servici mès eficient e ordenat, en tot redusir incidéncies de desbordament e en tot milhorar era neteja der èish comerciau, especiuaments en periòdes de màger afluéncia. Tanben permeterà avalorar eth rendiment des unitats en condicions reaus e era sua integracion ena operativa jornalièra deth servici municipau.


Un aute des aspèctes destacadi deth projècte ei era possibilitat de personalizar er exterior des paperères, en tot contribuïr a suenhar era estetica deth mobiliari urban e en tot refortilhar era imatge de Vielha coma centre comerciau e destinacion toristica.


Er Ajuntament arrebrembe qu’es paperères -tanben es intelligentes- son pensades entà petiti residus (papèrs, envolòpes, mocadors o moquets) e non entara lordèra domestica. Per açò, se sollicite era collaboracion ciutadana entà non depausar borses de lordèra enes paperères e utilizar es ièrles de contienedors.


HÒNT: AJUNTAMENT DE VIELHA E MIJARAN