Er Ajuntament de Les contunhe realizant trabalhs entara mielhora dera eficiéncia des sistèmes d'aprovisionament d'aigua

Per un costat, es antics depòsits dera Cauvèra dejà se trapen impermeabilizats, atau coma grana part des cubetes des depòsits de Sant Antòni.

Tanben s'an bescambiat valvules antigues entà garantizar e facilitar es maniòbres de uedatge e neteja des disparières cubetes de magazematge.

Eth servici public s'a mantengut sense talhs pendent era execucion des trabalhs, en tot manitier es sistèmes de tractament damb installacions temporaus (tractament d'aigua e resèrva de clòr, caseta auxiliar, eca).

Damb eth darrèr episòdi de fòrtes ventades patit es darrèri dies, se vederen afectades aguestes installacions temporaus, mès se restabliren es sistèmes eth madeish dissabte, en tot regular es nivèus de clòr pendent era setmana.

Demoram era normalizacion deth sistèma a finaus de setmana, quan ei previst que finalizen es trabalhs d'impermeabilizacion restants.

Ena darrèra fasa, se procedirà ara substitucion des canoades deth depòsit dera Cauvèra.

Desencusatz es possibles molèsties generades pendent aguesti dies, mès s'a priorizat poder mantier eth servici as usuaris pendent era realizacion des trabalhs.


HÒNT: AJUNTAMENT DE LES