Dubertura dera pista forestau Bagergue-Beret

Aué s’a tornat a daurir ara circulacion era pista forestau que connècte Bagergue damb Beret a trauès dera carretèra LV-142b.

Es trabalhs de milhora an permetut actuar en un tram de 3 quilomètres dera via, damb intervencions consistentes en fresatge e alisatge dera cauçada, e ena creacion de passi d’aigua entà facilitar-ne era evacuacion e milhorar-ne eth drenatge.

Es òbres an estat executades e finalizades peth Conselh Generau d’Aran laguens deth programa de milhora e conservacion des camins e pistes deth territòri.

Aguestes intervencions s’includissen enes trabalhs d’apariament dera pista que va de Bagergue enquiara carretèra d’accès tath Plan de Beret.

Aguest accès ei recomanat entà veïculs 4X4.


HÒNT: CONSELH GENERAU D'ARAN