Dubèrtes es inscripcions entara 12au edicion dera Corsa dera Hemna

Aguesta corsa populara aurà lòc eth dimenge, 8 de març, entà commemorar eth Dia Internacionau dera Hemna.

Eth Conselh Generau d’Aran, en collaboracion damb eth Conselh Esportiu dera Val d’Aran e era Associacion Volentaris Val d’Aran, damb eth supòrt der Ajuntament de Vielha e Mijaran, Servicis Assistenciaus, ADDA e er Institut d’Aran, a organizat aguesta 12au edicion.

Era Corsa dera Hemna ei ua competicion populara de 5 km pes carrèrs de Vielha e que se pòt hèr en tot córrer o caminar.

Es inscripcions ja se pòden hèr online, e de manèra presenciau eth diuendres 6 e dissabte 7 de març, de 17 a 20 ores, e eth dimenge 8 de març, a compdar des 9.30 ores, ena Plaça deth Conselh Generau d’Aran, a on tanben se poiràn remassar es dorsaus e era samarreta oficiau dera corsa. Eth prètz dera inscripcion ei de 5 euros e es places son limitades a 400 persones.

Te pòs incríuer en linha en:
https://inscripcion.wefeelevents.com/ca/esdeveniment/12au-corsa-dera-hemna


HÒNT: CONSELH GENERAU D'ARAN