Barrada era C-28 per ua botassada en Pòrt dera Bonaigua

Segontes informe eth Departament de Territòri dera Generalitat de Catalunya, eth tram dera carretèra C-28 entre Baqueira e era Bonaigua demore barrat per esbauçament d’un mur.

Actuaument se trabalhe entà determinar damb exactitud es motius qu’an provocat er esbauç deth mur de pèira. Com qu’er endret ei caperat de nhèu, aquerò pòt retardar quauqui dies era obtencion deth diagnostic definitiu.

Ei previst mantier era carretèra talhada entre Baqueira (pk 37+100) e eth Cap deth Pòrt (pk 45+800) enquia qu’era zòna sigue segura e se pogue abilitar un pas alternatiu damb seguretat. Es trabalhs comencen aué e s’alongaràn tot eth cap de setmana entà poder-i daurir un pas alternatiu era setmana que ven.


HÒNT: CONSELH GENERAU D'ARAN