ArtFaig impulse per dusau viatge eth sòn projècte de joguines solidàries
En aguesta escadença, es joguines anaràn destinades ara sala de pediatria der Espitau Val d'Aran atau coma jòcs entara residéncia de gent grana de Vielha
Pendent aguesti dies se desvolope ua accion fòrça solidària ena Val d’Aran. Era enterpresa especializada en hustaria, ArtFaig de Vielha, amie a tèrme damb mainadèra joguines especifiques entà aufrir-les de forma altruïsta ara zòna de pediatria der Espitau Val d’Aran deth cap-lòc deth país.
Aguest ei eth dusau an que s’amie a tèrme aguest procès, pr’amor qu’eth prumèr s’envièc a un espitau de Barcelona. En aguesta escadença s’a volut qu’er impacte dera accion pogue èster completaments locau damb aguest equipament espitalari coma gran beneficiat dera accion, autant coma era residència de gent grana, Sant Antòni, que tanben auràn naui jòcs de taula creadi per aguesti petiti.
Un projècte totauments solidari e qu’a un doble objectiu, qu’es petiti que se trapen espitalizadi en Espitau Val d’Aran poguen auer ua joguina entà poder èster distrèti e alegres e qu’era mainadèra qu’elabòre aguesti joguets aprengue naues tecniques e pogue préner consciéncia sociau d’ajut collectiu.
