Arribe eth recitau “Imaginari poetic” en motiu deth Dia Internacionau dera Poesia

Aguest eveniment, que ja hè tretze ans qu’organize eth Musèu dera Val d’Aran, ei ua des activitats culturaus mès consolidades e participatives laguens dera programacion des Musèus dera Val d’Aran. Era jornada s’a premanit en collaboracion damb er Airau de Lengua deth Conselh Generau d’Aran er Archiu Generau d’Aran, es bibliotèques de Vielha e Salardú.


Eth recitau poetic aurà lòc dissabte, 21 de març, entàs 18 ores, ena Bibliotèca Generau de Vielha.

Eth hiu conductor dera serada ei restacat damb era tematica deth musèu d’enguan: era enfança. Eth recitau se presente en format teatralizat, dinamic e participatiu, entà qu’eth public de totes es edats ne pogue gaudir. Ath delà des poèmes, se compdarà damb actuacions musicaus en dirècte.

Eth recitau serà retransmetut en dirècte peth canau de YouTube de Musèus Val d’Aran: https://www.youtube.com/watch?v=wlF2xepcEg0

Mès Informacion: https://shorturl.at/VjGWl


HÒNT: CONSELH GENERAU D'ARAN