Arribe era 13au edicion dera Nocturna de Vielha
Damb ua prevision de 900 inscrits en aguesta consolidada pròva
Aguest fin de setmana s’amiarà a tèrme era 13au edicion dera corsa “Era Nocturna de Vielha”. Aguesta pròva destaque per èster era unica en tota era Val que se hè de tarde-net, en tot supausar un gran atractiu entà toti es sòns corredors.
A ores d’ara, es inscripcions online s’an barrat damb mès de 500 persones e era prevision ei que se pogue arribar as chifres de d’auti ans coma son es 900 participaires. Aguesti numeròs se prenen des corses infantiles, que van des des 0 enquias 12 ans, damb diuèrsi recorreguts, dera caminata populara e des corses competitives de 5 e 10 quilomètres.
Era prediccion meteorologica indique qu’es temperatures seràn agradiues entara epòca, per çò qu’es corredors poiràn gaudir d’ua bona jornada d’espòrts en territòri.
Era Nocturna de Vielha ei ua des corses mès consolidades de tot eth panorama aranés e ua des pròves originariaments locaus que mès public atrè, autant dera Val coma de d’auti punts que vien a passar eth fin dde setmana.
