Aran viu un des mesi de junh mès calorosi dera sua istòria
Damb temperatures qu'arriben enquias 36 e 37 grads e damb minimes que placen er indicador enes nets tropicaus
Era Val d’Aran viu des de hè quauqui dies ues condicions meteorologiques mès abitaus deth mes d’agost que non pas deth mes de junh. Es temperatures s’an plaçat ath torn des 36-37 grads enes ores punta, enquia arribar as 18:00-19:00 dera tarde, quan baishen enquias 20-25 grads. Açò supause qu’Aran viu part des sues prumères nets tropicaus des que se pòden compdar registres.
Ath delà, tanben se reconeish qu’aguest pòt èster un des mesi de junh mès calorosi des que se remassen donades.
Era prediccion a futur indique qu’aguesta situacion non milhorarà guaire, a cuèrt tèrme, pr’amor qu’es temperatures seguiràn fòrça nautes. Es vesins d’Aran apòsten per gésser en carrèr enes prumères ores deth maitin o darrères dera tarde tà evitar era nauta calor.
Es terrasses damb ombra s’an tornat essenciaus entà passar aguesti dies de nauta temperatura en territòri en plen mes de junh.
