Aran en PòdCast, eth prumèr pòdcast en aranés

Eth govèrn d’Aran presente "Aran en PòdCast", ua naua iniciativa que vò prebotjar er aranés en tot difoner-lo a trauès des naues tecnologies.

Er objectiu ei apropar era lengua ara ciutadanetat e, en especiau as joeni, en tot crear contengut atractiu e adaptat as naui formats digitaus.

Es capítols se poiràn seguir en:

️- YouTube (version longa damb video e audio)

- Spotify (version en audio)

- Instagram (recuelh des milhors moments des entrevistes)

Era presentacion serà diuendres, 27 de hereuèr, tàs 18.00 ores


Sala d’actes (3au planta) deth Conselh Generau d'Aran.

Er acte serà dubèrt entà toti/es, e se haràn a conéisher es detalhs d’aguesta naua programacion en aranés, condusida per Àlvar Ordoñez.

Damb era presentacion d’aguest nau projècte eth govèrn d'Aran seguís en tot promocionar e normalizar dera lengua pròpria d'Aran.


HÒNT: CONSELH GENERAU D'ARAN