Aprobacion iniciau deth DUPROCIM de Bossòst

Eth Plen der Ajuntament de Bossòst a aprovat iniciaument eth DUPROCIM, eth document qu'organize era actuacion municipau deuant de possibles situacions de risc o emergéncia.


Eth document identifique es principaus risques que pòden afectar ath municipi e establís es responsables, es recorsi disponibles e era manèra d’actuar e coordinar-mos entà protegir ara poblacion.


Un pas important entà èster mès premanidi e reforçar era seguretat deth nòste municipi.

Eth document contunharà era sua tramitacion enquia arribar ara aprobacion definitiva.

Era elaboracion deth DUPROCIM a compdat damb eth supòrt economic dera Deputacion de Lhèida, en marc des ajudes as municipis entà actuacions en matèria de proteccion civiu.


HÒNT: AJUNTAMENT DE BOSSÒST