Aguest dissabte aurà lòc era Corsa des 15 pòbles

Pendent aguest fin de setmana se desvoloparà ena Val d’Aran era 29au Corsa e Caminada des 15 pòbles. Aguesta pròva ei era mès antiga de totes es corses de montanha que i a actuauments en territòri e enguan presente ua nauetat tanplan importanta.

Era corsa a estat organizada ans endarrèr des deth sòn naishement peth grop des Volentaris d’Aran e enguan, sonque ac gestionaràn “Èm Aran Sports Foundation”, ua associacion que cèrque requectar hons entà qu’es joeni esportistes aranesi poguen auer bèques entà seguir en tot practicar esport.

Aguesta jorna associacion a prenut era responsabilitat totau dera corsa e dejà an autrejat diuèrsi hons que s’an remassat gràcies ara inscripcion enes sòns eveniments esportius de vesins e persones que visiten era Val.

En aguesta corsa des 15 pòbles, ath delà dera tradicionau pròva de mieja maraton, tanben se disputaràn es tradicionaus trofèus Roland Giné o Arturo Riba. Çò que non apareish enguan en programa presentat per Èm Aran Sports Foundation ei era Olimpiada infantila entàs mès petiti.

Era prediccion meteorologica indique qu’eth solei serà eth gran protagonista, per çò que se poiràn gaudir d’espectaculars imatges d’aguest recorregut que connècte grana part dera Val d’Aran.