6 mètges der Espitau Val d’Aran an assolidat era especialitat en Medecina d’Urgéncies e Emergéncies en Espanha

Eth Servici d’Urgéncies der Espitau Val d’Aran hestège un important auanç ena profesionalizacion dera atencion medicau. Dempús dera creacion dera especialitat oficiau de Medecina d’Urgéncies e Emergéncies en Espanha, sies des onze mètges qu’intègren era equipa an obtengut era titolacion oficiau d’especialista en aguesta disciplina.

Era creacion dera especialitat de Medecina d’Urgéncies e Emergéncies represente un auanç considerable entath sistèma sanitari espanhòl, en tot assolidar era formacion e eth desvolopament professionau especific d’ua disciplina essenciau entara atencion a pacients en situacions d’urgéncia e emergéncia.

Era fortalesa deth Servici d’Urgéncies der Espitau Val d’Aran se sosten ena diuersitat de perfils professionaus e ena qualificacion des mètges que conformen era sua plantilha. Era combinacion de desparières especialitats, experiéncies e recorreguts formatius contribuís a enriquir era practica assistenciau e a enfortir era capacitat de responsa deth servici, adaptada as besonhs dera poblacion dera Val d’Aran.

Era direccion der Espitau Val d’Aran felicite as sies professionaus per aguesta reconeishença e arregraís a tota era equipa medicau era sua dedicacion, implicacion e compromís damb era assisténcia sanitària en territòri.


HÒNT: ARAN SALUT