400 participaires ena San Silvestre de Bossòst

Espectacular ambient en aguesta 19au edicion dera Corsa de San Silvestre en Bossòst.

400 persones s’an amassat en aguest emplaçament entà barrar er an dera milhor forma possible. En ua tarde heireda, es familhes, amics e d’auti coneishuts an corregut pes carrèrs de Bossòst en tot èster disfressadi, vestidi d’espòrt o damb era samarreta dera pròva.

Enguan eth recorregut presentaue ua grana nauetat pr’amor que s’alongaue un quilomètre mès enquia arribar as 7.5. S’arribaue enquiara antiga nacionau e aquiu se tornaue a dar eth torn enquia arribar ath camp de fotbòl dera Union Esportiva Bossòst

Era corsa l’a guanhat Ivan Calvó damb un temps totau damb un temps totau de 23 menutes e 24 segons. En dusau lòc, a finalizat Ferran Comas e Martí Sender ac a hèt en tresau lòc, andús a mens de 30 segons deth guanhador. Ena categoria femenina, Celia Balcells a guanhat damb un temps de 25 menutes e 52 segons. En dusau posicion a acabat Aina Cusí e tresaua Jordina Martínez.

Era organizacion a avalorat fòrça positivament era corsa.

Er eveniment a finalizat damb ua chicolatada entà toti es assistents e un sortèg entà toti es qu’an participat. Ena net ei prevista ua hèsta de fin d’an ena pròpria sala polivalenta.