Miquèu Segalàs ei eth nau president der Institut d’Estudis Aranesi-Acadèmia Aranesa dera Lengua Occitana. Dempús de 4 ans enes qu’a aucupat aguest cargue Jèp de Montòya, era session plenària der Institut a decidit a principis de junhsèga un cambi de programa e de representants enes instàncies mès nautes.

En aguest sens, Miquèu Segalàs, dèishe d’èster responsable dera seccion aranesa, un cargue qu’ara serà liderat per Lourdes España. Compdarà damb eth supòr ena vicepresidéncia dera man de Ròsa Maria Salgueiro e Angelina Cases serà era secretària. A dia d’aué, encara non i a vocaus assignadi.

Segontes explique eth pròpri Segalàs, era intencion ei de desvolopar un projècte continuista ena linha que venguie mercant era Acadèmia dera man de Montoya.

Pendent aguesti ans, er Institut s’a potenciat e artenhut fòrça reconeishement, en tot compdar damb un gran numerò de naues publicacions ena nòsta lengua e tanben en tot èster era referéncia ara ora de fixar era lengua. Cau rebrembar qu’er Institut inicièc eth sòn camin de forma oficiau en an 2015.