Lengua Viua seguís en tot inaugurar naui panèus der itinerari literari “Es Peades de Mossen Jusèp Condó Sambeat”, damb eth que se preten aufrir un bocin dera poesia deth mès insigne escrivan aranés. Aué a estat eth torn de Bagergue.


Era placa inaugurada pòrte eth tèxte “Dera Val d’Aran me cali pera polida ribèra, qu’ei era mès bèra cunhèra, qu’an es rius de tot eth mon”, dera òbra Cançon dera Garona. Er acte a estat presidit pera presidenta de Lengua Viua, Imma Caubet, e eth president dera EMD de Bagergue, Marc Tarrau. D’auti membres deth collectiu tanben an estat presents en acte, atau coma diuèrsi representants politics deth país.


Aguesta inauguracion en Bagergue ei era prumèra d’aguest ostiu, pr’amor que pendent es següenti dies en vieràn d’autes en diuèrsi pòbles dera Val d’Aran. Eth 8 d’agost i aurà ua dobla descubèrta: En Canejan e en Sant Joan de Toran e, fin finau, eth 9 d’agost, Salardú barrarà aguest cicle culturau.


D’ençà de Lengua Viua volem arregraïr ath pòble de Bagergue e, especiauments, ath president dera EMD, Marc Tarrau per he’c possible.


HÒNT: LENGUA VIUA