Eth Conselh Generau d’Aran a metut en foncionament dejà es naui corsi d’aranés a on es diuèrsi estudiants se pòden trèir es certificacions que les serviràn entà aprohondir mès ena nòsta lengua autant coma, per exemple, arténher mès punts entà optar a places publiques ena Administracion.

Era aufèrta formativa va des deth nivèu A.1 enquiath C.1 en tot passar per A.1, B.1 e B.2. En cada classe, i a ath torn d’ues XX persones en totau en toti es corsi damb 10 professors que les impartissen. Era logistica non permet auer mès de 20 persones per classe entà èster mès dinamiques.

Er interès per apréner era lengua a anat creishent an darrèr an e supause ua bona opcion entà totes es persones que vòlen trabalhar en Aran autant coma milhorar en coneishements de d’autes lengües.

Es classes s’haràn en format telematic autant coma presenciaus e i participen persones dera Val d’Aran, mès tanben estudiants de d’auti emplaçaments coma Lhèida, Barcelona o Madrid, entre d’autes ciutats.