Aué s'acabe eth rodatge dera 7au temporada d'Èm çò qu'èm, ua produccion impulsada peth Conselh Generau d'Aran e Lleida TV, e produsida per Kionalia, que se poirà seguir a compdar deth mes d'octobre.

Aguesta naua temporada s'a rodat en cinc localizacions dera Val d'Aran:

Archiu Generau d'Aran, Aula de Formacion deth Conselh Generau d'Aran, Era Alquímia, Era Audiovisuau de Vielha e ua localizacion en exteriors.

Coma auanç, SIA, era protagonista, desapareish sense deishar cap de senhau. Un gran mistèri que met as personatges en guarda e que les obligarà a resòlver un cas plen de suspens.

Ua sèria de ficcion entà fomentar er aranés.


HÒNT: CONSELH GENERAU D'ARAN