Hè 100 ans representèc un abans e un dempús entath país. Era luta des aranesi entà arténher milhors comunicacions ei ua constant ena istòria dera Val d’Aran; mès, entath desvolopament industriau, es interesi siguèren encara majors.

Fòrça projèctes neishèren entà connectar milhor era Val damb Catalonha e damb era rèsta d’Espanha. Eth prumèr, era dubertura dera carretera dera Bonaigua, en 1924. Era inauguracion d’aguesta naua via arribèc dera man deth monarca Alfons XIII.

Ena visita reiau, es aranesi reclamèren eth tunnèu de Vielha, es òbres deth quau comencèren solet un an dempús.

Se voletz conèisher aguesta istòria, dejà ei disponibla en canal de youtube de Musèus dera Val d’Aran.

Iniciativa: Conselh Generau d’Aran
Guion: Musèu dera Val d’Aran e Feliu Izard
Ua produccion de FILMEXPLORA (Albert Naudín) @filmexplora

HÒNT: MUSÈUS VAL D'ARAN