Eth nòste pòble s’amplís d’art, istòria e futur.
Deth 11 ath 14 de mai, celebram era prumèra edicion deth Grafftech Festival d'Art Urban, ua iniciativa que transformarà es nòsti carrèrs en un "musèu" ar aire liure.

Ath long d’aguesti dies, se realizaràn 3 muraus de gran format, a on artistes plasmaràn moments istorics que formen part dera nòsta identitat, en tot apropar eth nòste passat a vesins e visitants d’ua forma innovadora e visuau.


Ath delà, aguesti grafits compdaràn damb realitat aumentada a trauès de còdis QR, en tot peeméter descorbir ua experiéncia interactiva unica. Es istòries complètes se poderàn conéisher ena web de Grafftech Festival, a on se recuelhen es relats seleccionadi entara prumèra edicion.
https://rutadelsmurals.com/
https://www.instagram.com/grafftech_fest/

Damb aguesta iniciativa, entram a formar part der Hilat de Pòbles damb Graffitis de Gran Format, en tot posicionar-mos coma un destin unic entàs amants der art urban e dera cultura.

Aguest projècte non sonque embelhís eth nòste entorn, senon que tanben impulsarà era promocion toristica, dinamize era economia locau e refortilhe er orgulh de perténher ath nòste pòble.

Vos convidam a passejar pes nòsti carrèrs, escanejar, descorbir e víuer era istòria coma jamès abans.

HÒNT: AJUNTAMENT DE LES