Naut Aran a aprovat iniciaument era creacion deth Centre Civic e Sociau de Salardú. Dempús de fòrça mesi, a on, entre d’autes accions, s’a amiat a tèrme amassades especifiques damb es vesins entà explicar-les coma foncionarie eth projècte autant coma escotar es sues peticions o demanes, entre d’auti ahèrs, fin finau tot hè a indicar qu’aguesta situacion comence a auançar a bon ritme.

I aurie 240 places de coche, ua cinquatea tà motos, ua piscina cubèrta, gimnàs, consultòris medicaus, bar-restaurant que serà laguens d’un centre de dia e un aute equipament que poderie esdevier coma lòc de conferéncies, encara qu’a dia d’aué non ei definit.

Tanben, i aurà 15 pisi de 45m2 tà majors de 65 ans e 12 pisi de 2 dormitòris e quauqui de 3 que serà destinat entàs familhes tà loguèr assequible entà un maximom de 5 ans.

Eth consistòri aurà de demanar un credit mès a previst de recuperar-les un viatge vagen finalizant es actuacions de forma progressiva.

A darreries d’an se presentarà eth projècte executiu e er Ajuntament de Naut Aran sajarà d’ahigèr-se a subvencions de diuèrses administracions publiques. Er inici d’òbres ei previst entath mes de mai de 2026.