En hereuèr se hec, enes installacions de Fira Lleida, eth Salon dera Formacion e der Emplec de Lhèida, FormaOcupa, organizat per Ajuntament de Lhèida, era Deputacion de Lhèida, era Generalitat de Catalunya, era Cambra de Comerç de Lhèida, era COELL, PIMEC, CCOO e UGT.

Eth FormaOcupa s’adrece a persones qu’an de decidir o reorientar eth sòn futur professionau, milhorar es competéncies, cercar trabalh, impulsar era sua carrèra professionau o empréner un negòci.

Alumnes der IES d’Aran e dera Escòla d’Ostalaria de Les visitèren eth salon damb er objectiu de conéisher era aufèrta formativa e professionau.

En çò que tanh ath transpòrt des escolans entara Fira FormaOcupa de Lleida, s’a gestionat a trauès deth Conselh Generau d’Aran e a estat subvencionat peth Patronat de Promocion Economica dera Deputacion de Lhèida per un impòrt de 2,390 euros.


HÒNT: CONSELH GENERAU D'ARAN