Er Ajuntament de Vielha e Mijaran a aprovat eth programa municipau de Gestion de Colònies Felines, un pas de besonh entà auançar des d’accions puntuaus enquia un modèl estable, organizat e damb continuïtat.

Eth punt de partida reflectís era dimension deth rèpte: 42 colònies o emplaçaments identificadi e lèu 700 gats comunitaris.

Des der an 2016 ,eth consistòri realize esterilizacions e fòrça persones dediquen eth sòn temps e esfòrç ath suenh des colònies.

En 2026 hèn ua apòsta damb era prumèra campanha intensiva CER - captura, esterilizacion, retorn, dejà contractada, que permeterà actuar damb enquia 80 gats damb un pressupòst maximom de 14.500 euros, IVA includit.

An sollicitat tanben ua subvencion estatau de 80.000 èuros entà desvolopar en 2027 un projècte mès ambiciós que, se se concedís, permeterie intervier aumens 632 animaus e refortilhar era atencion veterinària, es punts d’alimentacion e era collaboracion ciutadana.
Vielha e Mijaran daurirà un registre enes següenti mesi entà conéisher e escotar as persones que suenhen e hèn eth seguiment d’aguestes colònies.