Fòrça bona prumèra jornada deth Salardú Country Rock Festival, un des eveniments mès espectaculars a nivèu d’òci e culturaus que se pòden víuer ena Val d’Aran ath long de tot er an. Era poblacion de Salardú gaudís d’ua naua edicion d’aguest hestau que commemòre eth 11au an.

Es previsions apunten qu’enquiath 23 d’agost se poderie arribar as 6.000 persones en un eveniment mès qu’assolidat en territòri.

Actuaràn artistes tant reconeishudi en aguest mon coma Hailey Benedickt o Tim & the glory Boys andús provenenti de Canadà o Winn Williams des Estats Units.

Es workshops e classes d’iniciacion ath country son diuèrsi des gran reclams que se poiràn gaudir pendent totes aguestes jornades de dança en Salardú, autant coma un recinte heirau plen d’ambient american e ua gastronomia que vò assimilar-se ara nordamericana.

Ath torn de 1.000 persones pòden auer assistit ara prumèra jornada deth Salardú Country Rock Festival en tot vier de fòrça païsi e continents a nivèu  internacionau coma d’America, Euròpa o Àsia. Es vesins de Naut Aran, tanben participen d’aguest eveniment e compden damb era entrada gratuïta gràcies ath patrocini der Ajuntament de Naut Aran.