Eth Departament de Territòri, Abitatge e Transicion Ecologica met en foncionament, a compdar deth dimars 13 d’octobre, ua naua linha de bus interurban entre eth Pònt de Suert e Vielha. Aguesta iniciativa a coma objectiu milhorar era connectivitat entre era Val d’Aranera Alta Ribagorça entàrefortir era mobilitat sostenibla e ampliar es alternatives de transpòrt public en Naut Pirenèu e Aran.

Era metuda en marcha d’aguesta connexion prevé ua inversion annau estimada de 125.000 èuros e s’includís en amàs d’accions previstes en estudi de milhora deth transpòrt public per carretèra dera Alta Ribagorça, desvolopat peth Departament de Territòri, Abitatge e Transicion Ecologica a peticion deth Conselh Generau d’Aran en collaboracion damb eth Conselh Comarcau dera Alta Ribagorça e es municipis deth territòri.

Entara conselhèra de Coneishement deth Conselh Generau d’Aran,  Angelina Cases:“Aguest servici refortís era comunicacion entre Aran e era Ribagòrça,ua accion de besonh entar usatge quotidiande trabalhadors, estudiants e vesinses dies obrants. Un besonh qu’en Conselh Generau pensam qu’ei indispensable, d’aquiu era nòsta demana persistenta,tà facilitares desplaçaments d’anada e tornadaentre es dues comarques de manèra regulara”.

Era naua linha, operada pera empresa ALSA, aufrirà quate expedicions d’anada e quate de tornada de deluns a diuendres obrants, ath long de tot er an.

Era prumèra expedicion gesserà deth Pònt de Suert tàs 7.00 ores e arribarà en Vielha abans des 8.00, entàfacilitar es desplaçaments per motiusprofessionaus, educatius e administratius. En sens contrari, eth darrèr servici gesserà de Vielha tàs 18.15 ores, entàgarantir ua cobertura apropiada ath long deth dia.

Damb aguesta accion, eth Departament de Territòri, Abitatge e Transicion Ecologica auance ena milhora deth hilat de transpòrt public deth Naut Pirenèu e Aran, entà garantir ua mobilitat mès eficienta, accessibla e sostenibla, e refortir era coesion territoriau entre es municipis de montanha.

HÒNT: CONSELH GENERAU D'ARAN