Aguest fin de setmana s’a amiat a tèrme  eth11au Salardú Country Rock Festival, un des eveniments mès espectaculars a nivèu d’òci e culturaus que se pòden víuer ena VAl d’Aran ath long de tot er an.

Aguest hestau  a compdat damb era preséncia d’artistes de renòm coma ei d’abituda coma  tim & the glory boys, o Wynn Williams e d’autes accions coma workshops, classes d’iniciacion de country, es demoradi concèrts, e un recinte heirau plen d’ambient american.

Era valoracion d’enguan a estat fòrça positiua pr’amor que s’a arribat a chifres d’ans anteriors, que placen es visitaires en ues 6.000 persones, apruprètz.

Eth Salardú Country Rock Festival a esdevengut ua referéncia en tot eth Sud d’Euròpa pr’amor dera sua barreja entre concèrts e balhs, e ei per açò que s’apròpen persones d’Itàlia, França, Alemanha, mès tanben vien persones des païsi nordics o der aute costat der atlantic coma es Estats Units.

Des dera organizacion apunten que dejà an començat es preparatius entara 12au edicion d’aguest hestau, un eveniment clau qu’a lòc a darreries deth mes d’agost.