Era Val d’Aran a celebrat era sua dusaua actuacion deth cicle culturau Romanic Musicau: aguest eveniment composat per 2 accions que s’an hèt ath long deth mes d’en agost, an coma objectiu fusionar era musica damb es espacis istorics e culturaus mès importants deth romanic aranés.

En aguest sens, era prumèra s’e hèc ena poblacion de Salardú, concrètaments ena glèisa de Sant Andrèu, a on un gran numerò de persones pogueren gaudir de prumèra man dera explicacion deth Romanic ath Modernisme per part d’ua tecnica deth Hilat de Musèus dera Val d’Aran, entà dempús víuer era experiéncia deth Quartet Immortality. 

Era dusaua actuacion a auut lòc dies endarrèr ena glèisa de Santa Maria d’Arties, damb ua naua visita guidada damb especiau atencion a Josep Vallverdú, aimant dera multiculturalitat lingüistica, entà acabar damb eth concèrt de Pixie Dixie Swing.

Era barreja d’aguestes dues activitats ei çò que hè mès especiau ad aguest eveniment culturau.

Dejà s’an complit 27 edicions deth Romanic Musicau ena Val d’Aran, en ua activitat totauments gratuïta, patrocinada per Ajuntament de Naut Aran