Enes darrères setmanes auem amiat a tèrme eth renauïment des pannèus informatius que i a despartits pes desparièrs punts de Bossòst.


Aguestes senhaus, que mos ajuden a conéisher era istòria, er auviatge e es cornèrs mès emblematics deth municipi, se trapauen en estat de deteriorament que hège de besonh era sua substitucion.


Damb aguesta accion, melhoram era qualitat dera informacion, era sua legibilitat e era imatge deth conjunt deth pòble, en tot contribuïr tanben a ua melhora experiéncia tant entàs vesins, coma entà qui mos visiten.


Contunham trabalhant entà suenhar e méter en valor tot aquerò que forme part dera nòsta identitat.

HÒNT: AJUNTAMENT DE BOSSÒST