Bossòst acuelherà eth pròplèu dissabte 17 d'octobre era dusau edicion des sues Jornades Istoriques, ua cita a on lèu 60 recreadors de sèt grops de recreadors de tot Espanha protagonizaràn un espectacle gratuït que mos transportarà ara tardor de 1944 pendent era Operacion Reconquista d'Espanha de recreacion e divulgacion dedicada as hèts d'octobre de 1944. Aqueth mes, era Val d'Aran siguec scenari dera Operacion Reconquista d'Espanha, quan guerrilhèrs republicans espanhòus procedenti de França crotzèren era termièra.

Pendent es jornades, lèu 60 recreadores volontaris de sèt grops e associacions de recreacion istorica amiaràn era istòria enes carrèrs e ar entorn deth municipi. Organize eth Grop de Recreacion Prumèra Linha (Aragon), amassa damb era XV Brigada Mixta (Catalonha), Darrèra Trinxera (Catalonha), H&F (Madrid), era Associacion Retaguardia (Saragossa), Tèsta deth Nalón (Astúrias), era Associacion Sancho de Beurko (Euskadi)

Programa:

- Dissabte 17, 9:15h e 12:00h. Trinchera Viuent pes carrèrs de Bossòst. Dus passi peth centre deth pòble, damb inici ena zòna der Ajuntament. Es recreadors escenificarán dialògs e situacions quotidianes, e un guida explicarà eth contèxt istoric de cada scèna. Eth guidon ei desparièr ath der an darrèr e includís exclusives sus es investigacions de Juan Carlos Riera Socasau. Entad aguesta activitat ei de besonh inscriuer-se ena web deth grop Prumèr Linea.

17h00: Combat en camp ath costat deth Lauader, entre es carrèrs Sant Cerat e Metge Campà. Eth public seguirà era accion des des zònes disposades ara sua ath torn damb accès liure.

Est an passat, mès de 500 persones gaudiren pendent tot eth dia dera prumèra edicion. En aguest dusau an, se sajarà centrar mès eth "Protagonisme en patiment dera poblacion civiu", e de manèra inedita, "se darà votz as hemnes invisibles que protagonizèren aguesti durs dies dera nòsta Postguèrra" ditz Fernando Alcoya, membre deth grop de Recreacion prumèra Linea e organizador. "Volem qu'era istòria se comprene
en tot veder-la e en tot escotar-la en lòc a on arribèc. Damb respècte e carinho, mès de forma crua e sense embuts. Damb aguesta dusau edicion cercam que vesins e visitants coneishen çò que passèc ena Val d'Aran en 1944 e se silenció pendent decènnis".

Sus es Jornades

Es II Jornades Istoriques de Bossòst son organizades per ajuntament de Bossòst damb era collaboracion de grops de recreacion de tot Espanha. Eth sòn objectiu ei divulgar era istòria locau mejançant era recreacion istorica e dar votz e visibilitat ath patiment dera poblacion aranesa.


HÒNT: AJUNTAMENT DE BOSSÒST