Er Ajuntament de Vilamòs a comprat un nau salèr entath manteniment des vies pendent er iuèrn, damb er objectiu de melhorar era seguretat e era mobilitat des vesins e visitants deuant des pròpies nheuades dera sason.


Era inversion, que ascendís a uns 18.000 €, a estat possible gracies ath Plan d’Inversions dera Deputacion de Lhèida.


Aguest nau modèl incorpòre tecnologia de darrèra generacion, que permet graduar e controtlar era quantitat de sau escampada ena cauçada, optimitzant er usatge deth materiau e en tot arténher ua gestion mès eficienta e sostenible.


“Garantir es servicis basics, coma era mobilitat en iuèrn, ei lo que tostemp mos a moigut ad aguesta equipa de govèrn”, destaquen des de er Ajuntament de Vilamòs.

Ath delà, eth consistòri informe qu’eth tractor municipau a passat recentaments era ITV e se tròbe prèst entà afrontar era campanha d’iuèrn, en tot assegurar ua mobilitat excellenta tant en Vilamòs coma ena Bordeta.


Damb aguestes accions, er Ajuntament refèrme eth sòn compromís damb eth benestar e era seguretat de toti es vesins e vesies deth municipi.


HÒNT: AJUNTAMENT DE VILAMÒS