Auem començat a pintar naui passi de vianants, encara que bèri auràn un dessenh diferent e fòrça especiau... Nosati ja les auem batejat coma “passi de vaca”.

Non perquè i passen es vaques, senon perquè trenquen damb eth classic pas de zèbra e balhen ua imatge mès originau, modèrna e damb personalitat. Volem que es nòsti carrèrs tanben agen aqueth detalh diferent que hèsque que qui passe per acieu pense: “Òstia, quina passada!”


Mès açò sonque ei eth començament. Ath long des pròplèu dies tanben amiaram a tèrme:

Eth repintat de totes es places d’aparcament deth parquing dera entrada.

Era melhora e senhalizacion des places reservades entà persones damb mobilitat redusida.

Era installacion de naua senhalizacion verticau e orizontau.

Era collocacion de radars pedagogics entà fomentar ua conduccion mès segura.

E ua des actuacions mès importantes: era installacion d’un semafòr regulador entre er inici deth Carrèr Major e era carretèra d’accès a Arres, que ajudarà a evitar col·lapses de transit pendent es mesi de mès afluéncia.

Aguest semafòr sonque foncionarà pendent era sason nauta d’ostiu, quan er aument de visitants hè de besonh regular milhor era circulacion.


E sabetz quina ei era melhor notícia? Tot aguest projècte ei finançat ath 100 % gràcies a ua subvencion dera Generalitat. 

HÒNT: AJUNTAMENT DE VILAMÒS