Er Ajuntament e es EMDs trabalham de forma coordinada entà redigir es plans de prevencion d’incendis forestaus e eth plan de delimitacion des franges d’emparament de 25 mètres en tot eth municipi.


Er objectiu ei anticipar-mos, ordenar era gestion deth bòsc e deth païsatge, redusir risqui e protegir es nuclèus abitadi, es montanhes e era seguretat des vesins e vesies.


Era accion artenh ua inversion globau de 114.042,50 èuros, IVA includit, e includís ua aportacion dirècta de 51.137,50 èuros der Ajuntament as EMDs entà que poguen disposar des sòns pròpris plans de prevencion.


“Era seguretat des nòsti pòbles tanben se trabalhe abans de qu’apareishe ua emergéncia. Damb aguesti plans volem planificar, gestionar eth bòsc, suenhar eth païsatge e dar estruments a cada pòble entà redusir risqui e protegir eth nòste entorn naturau”, a soslinhat eth tinent d’alcalde, Alberto López López.

Seguim en tot trabalhar entà hèr de Vielha e Mijaran un municipi mès preparat, mès segur e mès comprometut damb er emparament des sòns pòbles e montanhes.


Mès info: http://www.vielha-mijaran.org/ar/noticias/1162/


HÒNT: AJUNTAMENT DE VIELHA E MIJARAN