Vielha celebrarà eth 31 de deseme era prumèra edicion dera sua corsa Sant Silvèstre, un eveniment organizat pera Associacion Esportiva Era Sant Silvèstre, que compde damb era collaboracion der Ajuntament de Vielha e Mijaran e eth grop Q-Mont.

Aguest eveniment preten èster ua hèsta der espòrt popular, en ua sason plan soslinhada coma ei Nadau.

Circuit:
- 5 kms urban apte entà toti es publics, damb gessuda entàs 16:00 en Passeg dera Libertat.

Prètz:
- 10€

I aurà un present de benvenguda e, entà finalizar era jornada, s’aufrirà còca e chicolate.

Inscripcions:
- https://www.rockthesport.com/es/evento/era-san-silvestre-vielha

Tèrme d’inscripcions:
- Enquiath 28 de deseme

“Aguesta corsa dera Sant Silvèstre ei ua iniciatiua que cèrque convertir era jornada en ua hèsta der espòrt popular, era convivéncia e era dinamizacion deth municipi en ua data plan importanta coma ei Nadau”, comente eth còsso d’Espòrts de Vielha e Mijaran, David Moreno. E ahig que “auem fòrça competicions esportives en municipi en ostiu, e mancaue que pendent er iuèrn e, concretaments entà Nadau, qu’auem fòrça gent en territòri, non compdauen damb cap eveniment esportiu d’aguest tipe”.

HÒNT: AJUNTAMENT DE VIELHA E MIJARAN