Er Ajuntament de Vielha e Mijaran a iniciat es trabalhs de sèga, manteniment e enjardinament des espacis publics de Vielha damb era arribada deth bon temps.


Aguestes actuacions an per objectiu mantier en bon estat es zònes verdes, milhorar era imatge der espaci public e suenhar es entorns que s’utilizen de forma quotidiana pera ciutadania.


Es trabalhs se desvolòpen en desparièrs punts de Vielha e tanben en entorns d’equipaments municipaus, coma ei eth cas deth cementèri “Sant Miquèu”, a on tanben se i hè manteniment entà garantir un aspècte suenhat e ordenat.


Aguesti prètzhèts s’an programat entà auer continuïtat pendent es pròplèu mesi, enquiath mes d’octobre, damb era volontat de mantier en bon estat es espacis publics en ua epòca d’aument dera activitat exteriora e dera afluéncia de gent.


Eth manteniment e er enjardinament des espacis publics son ua part importanta deth trabalh ordinari de suenh deth municipi, e contribuïssen a auer un entorn mès suenhat, mès agradiu e mès ordenat entà vesins, vesies e visitants.


Ath delà, enguan er Ajuntament de Vielha e Mijaran a reforçat era partida destinada as EMD entà que poguen seguir suenhant es sòns espacis publics enjardinadi, ua competéncia que ja exercissen es diuèrsi pòbles deth municipi.


HÒNT: AJUNTAMENT DE VIELHA E MIJARAN