Era Associacion Catalana de Municipis (ACM), a trauès dera Fondacion d’Impuls deth Territòri (FMIT), eth Conselh Generau d’Aran e es deputacions territoriaus an signat un convèni de collaboracion entà méter en foncionament un nau servici d’assisténcia urbanistica adreçat a toti es ajuntaments, damb ua atencion especiau as municipis damb mens recorsi pròpris.

Er acòrd a coma objectiu aufrir supòrt tecnic e juridic especializat en matèria urbanistica, un des encastres mès complèxes dera gestion municipau, mercat per ua normativa cada còp mès exigenta e pera manca generalizada de personau especializat.

En cas dera Val d’Aran, pren fòrça importància aguesta qüestion pr’amor que fòrça consistòris non compde damb pro personau tecnic entà hèr front ath dia a dia des gestions urbanistiques. Se meterà a disposicion des ajuntaments equipes d’expèrts que complementen es servicis tecnics locaus.

Er objectiu ei redusir es desigualtats territoriaus e assegurar que

toti es ajuntaments, independentament dera sua dimension, dispausen des airines de besonh entà gestionar eth planejament urbanistic damb garanties.