Aguest dissabte e dimenge 18 e 19 d’octobre, era localitat de Bossòst acuelherà ua recreacion istorica dera denominada “operacion reconquista de españa”, er intent d’invasion dera Val d’Aran amiat a tèrme en 1944 per guerrilhèrs republicans exiliadi en França dempús dera Guèrra Civila, tanben nomentadi maquis.

Mès de 50 recreadors procedenti de tota Espanha trasladaràn ath public ad aquera tardor de hè 80 ans, quan lèu 4.000 combatents crotzèren era termièra tà afrontar-se ath regim franquista.

Eth projècte, concebut damb rigor istoric e respècte as hèts peth grop de recreacion Primera Línea, cerque dar a conéisher çò que succedic enes diuèrsi pòbles dera Val, en tot mostrar experiéncies autant des guerrilhèrs coma des abitants que viuèren en aquera epòca dies de guèrra, pòur e repression.

Eth programa includís visites teatralizades e guidades, era simulacion d’un combat e ua excursion populara ath Pòrt deth Portilhon coma barrament. Totes es accions son gratuïtes