Pendent aguest fin de setmana era localitat de Bossòst a acuelhut ua recreacion istorica dera denominada “operacion reconquista de españa”, er intent d’invasion dera Val d’Aran amiat a tèrme en 1944 per guerrilhèrs republicans exiliadi en França dempús dera Guèrra Civila, tanben nomentadi maquis.

Mès de 50 recreadors procedenti de tota Espanha trasladèren ath public ad aquera tardor de hè 80 ans, quan lèu 4.000 combatents crotzèren era termièra tà afrontar-se ath regim franquista.

En aguest sens, un gran numerò de persones s’apropèren entà contemplar aguest hèt que siguec scenificat damb un gran realisme e damb ua grana sonoritat e vestiari dera epòca.

Eth projècte, concebut damb rigor istoric e respècte as hèts peth grop de recreacion Primera Línea, cercaue dar a conéisher çò que succedic enes diuèrsi pòbles dera Val, en tot mostrar experiéncies autant des guerrilhèrs coma des abitants que viuèren en aqueri moments dies de guèrra, pòur e repression.

Eth programa tanben a includit visites teatralizades e guidades e ua excursion populara ath Pòrt deth Portilhon coma barrament. Totes es accions an estat gratuïtes.