Aué s'a celebrat eth Plen Ordinari deth consistòri, a on s'an aprobat diuèrsi acòrds importants entath present e futur deth nòste municipi. Enter d'auti ahèrs:

 Aprovacion definitiva dera liquidacion des compdes der exercici 2025.

Adesion ath programa de mielhores enes escòles publiques de Catalunya, entà contunhar invertint ena mielhora des nòstes installacions educatives.

Aprobacion deth convèni de collaboracion damb era associacion Aran pera Natura, entà desvolopar activitats ena Aubèrja Matacabós en tot apostar pera educacion ambientau e era valorizacion deth nòste patrimòni naturau.

 Aprovacion dera Ordenança de gestion e neteja des entorns rustics, deth nucli urban e des punts d'interès deth municipi.

 Aguesta ordenança ei ua irina clau entà impulsar ua estrategia de gestion e neteja dera massa forestau ath torn de Les, en tot reforçar era prevencion d'incendis e era seguretat deth municipi deuant des naui rèptes derivadi deth cambi climatic.

Tanben s'a acordat sotméter a informacion publica eth Plan de Prevencion d'Incendis, un pas prealable fòrça important abans dera sua aprobacion definitiva.

Atau madeish, s'a sometut a informacion publica eth resultat des trabalhs amiadi a tèrme amassa damb er ICGC e er Ajuntament de Bossòst entà definir damb precision e fidedignaments es termières enter es dus municipis.

D'ençà der Ajuntament contunham trabalhant damb responsabilitat, transparéncia e compromís entà mielhorar es servicis, protegir eth nòste entorn e hèr créisher Les.

Gràcies pera vòsta confidança!


HÒNT: AJUNTAMENT DE LES