Naut Aran a barrat un des sòns milhors ostius a nivèu d’activitats qu’an portat un gran numerò de visitaires en tot aufrir alternatives entà toti es publics.

A despiet que, des deth consistòri, expliquen qu’era epòca fòrta son ath torn de 20 dies en agost e quauques dies en mes de junhsèga, an dinamizat eveniments entà qu’era economia locau se pogue reactivar pendent un periòde mès long e es negòcis deth municipi trabalhen a un ritme mès naut.

Atractius esportius coma era HOKA Val d’Aran by UTMB, era Hard Bike, Pedals de Foc o She Bikes, an estat quaqui des mès subergessents. Ath delà, un des que mès visitaires a apropat, coma ei d’abituda ei eth Salardú Country Ròck Festival. En çò que se referís ara cultura, eth hestau Sons dera Garona se consolide en territòri en tot apropar es melodies gascones e occitanes en Salardú coma epicentre. Hèires, dances, hèstes majors e d’autes accions qu’encara son per hèr-se, an estat es principaus reclams d’un gran ostiu ena zòna.

Era Aran SBK Festival serà eth darrèr gran eveniment que s’iniciarà aguest fin de setmana deth 4 ath 6 de seteme a on se demore ua grana afluéncia de visitaires.