Er Ajuntament de Naut Aran amie a tèrme pendent aguestes setmanes actuacions ena poblacion de Gessa, de forma conjunta damb aguesta Entitat Municipau Descentralizada. 

En aguest sens, s’an destinat un totau de 47.000 euros des deth consistòri aranés en milhorar eth paviment en un parçan de 215 mètres quarrats damb calada de granit. Eth carrèr Barranc, qu’ei un des mès arribents de tota era poblacion de Gessa, ei eth darrèr de toti es d’aguest endret que mancaue per renovar segontes afirme er ajuntament aguesta accion s’a potenciat era milhora deth transit urban autant de pedonhs coma rodat.

Ath delà, era Entitat Municipau Descentralizada s’encuedarà de hèr era separacion des aigües pluviaus des residuaus, pr’amor qu’abans andues passauen peth madeish circuit en tot causar ua ineficàcia en sistèma. Ara damb aguestes òbres se potencie eth hilat d’aigua dera pedania.

Era òbra se trape en procès d’ormigonat, qu’ei un des passi prealables ara metuda dera calada de granit