Era petanca torne a èster protagonista en Les!

Eth nòste municipi acuélh ua naua edicion d’un des tornegs mès emblematics e estimadi deth calendari esportiu. Ua cita que cada an amasse jogadors, aficionats e visitants ath torn der espòrt, era conviuènça e era amistat.


Damb ua prevision de lèu 500 participants, aguest torneg istoric arribe ja a mès de 25 ans de trajectòria, en tot consolidar-se coma un referent esportiu e sociau laguens e dehòra deth nòste territòri.

Volem arregrair especiaument era labor dera Associacion de Petanca de Les, organizadora der eveniment, peth sòn compromís, esfòrç e dedicacion ath long de toti aguesti ans.

Restacam era visita deth President dera Federacion Francesa de Petanca que a compartit damb nosati aguesta gran jornada en poble de Les.

Eth sòn trabalh a convertit aguest torneg en un vertadèr motor de dinamizacion esportiva e sociau, en tot hèr créisher era vida associatiua e en tot projectar eth nòm de Les fòrça mès enlà des nòstes termières.

Gràcies a totes es persones volontàries, participants e collaboradors que hèn possible qu'aguesta grana hèsta dera petanca contunhe creishent edicion darrèr edicion.

Vos desiram fòrça sòrt e fòrça encèrts a toti es equips!

Que sigue ua gran jornada d'espòrt, amistat e convivéncia! 

HÒNT: AJUNTAMENT DE LES