Aguesta setmana auem recebut era visita des operaris que realizaràn es trabalhs previsti entara installacion deth nau mecanisme que permeterà accionar automaticaments es campanes deth nòste campanau.


Un còp resoludi es problèmes d’accessibilitat e garantit un accès segur e comòde era part superior dera tor, er Ajuntament de Les a licitat era installacion d’aguest nau automatisme, que permeterà programar eth tòc des campanes e recuperar pleaments era sua foncionalitat.


Ath long d’aguesta setmana s'an prenut es mesures definitives entara fabricacion e installacion deth mecanisme, que se prevé plaçar abans dera fin der an 2026.

Eth son des campanes forme part deth patrimòni, dera istòria e dera esséncia d'un pòble. Damb aguesta actuacion volem recuperar ua tradicion que forme part dera nòsta identitat e tornar ath campanau tota era sua foncionalitat.


Aguesta intervencion se hig as diferentes mielhores amiades a tèrme ena glèisa de Les:

- Reforma estructurau des escales d’accès.
- Reparacion des henerècles estructurau.
- Installacion d'illuminacion interiora.
- Recuperacion e exposicion deth relòtge antic.
- Installacion deth nau mecanisme automatic des campanes.

Damb totes aguestes actuacions contunham recuperant, conservant e meten en valor eth nòste patrimòni, en tot dar un nau impuls a un espaci tan plan emblematic entà Les.


HÒNT: AJUNTAMENT DE LES