Eth freerider aranés Aymar Navarro presente «Never Off», un documentau que relate un des moments mès complicadi dera sua trajectòria esportiva e personau: era grèu lesion de jolh que patic en Alaska en 2025 e eth procès de recuperacion que l'a permetut tornar a esquiar.

Era produccion, dirigida per Jaime Varela, hè un seguiment deth darrèr an e miei dera vida der esportista, en tot mostrar es dificultats fisiques e emocionaus d'ua recuperacion mercada peth trabalh, era constància e era disciplina.

Rodada entre Alaska, era Val d'Aran e es Andes sud-americans, era pellicula mos aprope ara cara mès personau de Navarro e ara sua determinacion entà tornar a practicar er espòrt que forme part dera sua vida.

Eth madeish Navarro a destacat era importància personau d'aguest projècte, que definís coma possiblament eth trabalh en qué mès illusion, ores e esfòrç a invertit ath long dera sua trajectòria.

Dempús dera sua estrea en Pamplona, laguens deth festival Skimetraje aguest 13 de noveme, eth documentau arribarà ara Val d'Aran eth pròplèu 27 de noveme, damb era presentacion oficiau en Vielha.