Er espaci de trabalh compartit plaçat en Vielha a cubèrt es places fixes ath long de tot eth 2025.

Eth coworking impulsat per HèPIC, eth centre d’innovacion territoriau deth Conselh Generau d’Aran, ei un espaci a on toti aqueri professionaus que vòlen empréner o teletrabalhar pòden dispausar d’un espaci, ja siguen persones residentes en Aran o visitaires.

Aguest servici, public e gratuït, compde damb dus formats d’accès:
- Temporau, entàs persones qu’agen de besonh trabalhar en remòt pendent mens de 15 dies.
- Fixe, entad aqueri professionaus residents en Aran qu’emprenen o teletrabalhen entà ua empresa e non an oficina pròpria.


Enguan, 43 persones an accedit ath servici pendent periòdes de cuerta durada, sustot en temporades de mès afluéncia toristica.


Er accès tad aguesta installacion foncione damb un contròl digitau, çò que permet adaptar-se as diferenti oraris des persones usatgères, damb accès 24/7.

Segontes es dades remassades enguan, eth 80% de persones damb plaça fixa e eth 53,12% des sollicituds d’accès temporau son hemnes.


Se voletz saber mès sus eth coworking o formalizar ua sollicitud, podetz contactar a trauès deth corrèu: [email protected].


HÒNT: CONSELH GENERAU D'ARAN