Eth Conselh Generau d'Aran a informat deth barrament temporau des barbacoès des airaus de léser dera Val d'Aran per risc d'incèndi forestau.

Damb motiu des nautes temperatures e des condicions actuaus de sequèra, vent e fòrça baisha umiditat dera vegetacion, eth govèrn aranés a decretat eth barrament de toti aguesti endrets d’òci deth territòri entà evitar que se poguen produsir huecs en entorns de nauta montanha.

Aguesta mesura a per objectiu redusir ath màximom eth risc d'ignicion e de propagacion d'incendis forestaus e se mantierà enquia que es condicions meteorologiques e er estat dera vegetacion permeten aguesta practica damb seguretat.

Eth Conselh a demanat prudéncia e collaboracion entà protegir as persones, as bòsqui e patrimòni naturau. Eth Plan Batalhèr e eth parçan de Tishineret, en Vielha e Mijaran o d’auti coma er Artiga de Lin son diuèrsi des punts mès emplegadi e que non poiràn hèr-se a servir pes vesins e visitaires.