Aguesta dimenjada, Vielha e Mijaran a acuelhut era celebracion d’ua naua edicion dera Trail Vielha-Molières 3010. Ua pròva qu’en pòqui ans a artenhut ua repercusion fòrça importanta en mon des pròves de montanha.

Enguan, s’na desvolopat un totau de 3 modalitats: Era Maraton Molières (43 Kms e 4200 mètres de desnivèu positiu),era Montpius Skyrace (23 Kms e 1800 mètres de desnivèu positiu) e era Tuca Trail de lèu 13 km e 920 +. Coma en edicions anteriores, i a auut participaires non sonque d’Espanha, senon tanben arribadi de desparièrs païsi d’Euròpa, en tot remercar eth caire internacionau qu’a era pròva.

Era atraccion d’aguesta pròva ei era ascension ath tuc de Molières, un 3.000 que permet gaudir d’ues vistes espectaculars de tot eth parçan dera Ribagòrça, Aran e tanben der Aneto. Se considere ua des pròves mès aupines pr’amor deth sòn gran volum de desnivèu en tant pògui quilomètres.

Era Val d’Aran seguís en tot consolidar eveniments de naut nivèu. Dies endarrèr siguec era UTMB, enguan era Molières e era sason sonque a hèt que començar.