Deth 28 ath 30 d’octobre, era trobada a amassat especialistes internacionaus entà compartir coneishements e experiéncies sus era restauracion des ecosistèmes aquatics e era conservacion dera biodiversitat.

Era conferéncia a reünit especialistes des encastres scientific e tecnic entà abordar era conservacion des ecosistèmes aquatics de nauta montanha, menaçadi peth cambiament climatic, es alteracions idrologiques e es espècies invasores.

Era trobada a permetut compartir es auanci deth projècte LIFE RESQUE ALPYR (2022-2026), damb actuacions de restauracion ecologica en quate espacis dera hilat Natura 2000 des Pirenèus e es Alps.

Entre es actuacions subergessen era eliminacion de peishi introdusidi enes estanhs de Colomèrs, ua iniciativa peonèra en sud d’Europa, era restauracion de torbères e prats umits, era melhora dera gestion ramadèra e era recuperacion d’espècies sensibles coma amfibis, mamifèrs e invertebrats aquatics.

Mès Informacion: @conselharan


HÒNT: CONSELH GENERAU D'ARAN