Pendent aguesti dies se trabalhe ena milhora dera carretèra C-28 en diuèrsi punts dempús deth compromís dera Generalitat de Catalonha entà amiar a tèrme aguestes accions.

Cau rebrembar qu’eth Conselh Generau d’Aran dirigic ua carta ath govèrn catalan entà que se hèsse cargue d’un manteniment mès actiu e entà evitar que i auesse perilh entàs veïculs e ciclistes que transiten aguesta via.

Precisament, fòrça vesins se planhèren d’aguesta situacion a trauès des hilats mesi anteriors en tot explicar que, quauquns d’eri, auien patit damatges en quèir en paviment pera grava que s’acumulaue enes extreèms dera via o pes horats que i auie en cèrti punts.

Pr’amor d’açò dejà s’an iniciat es trabalhs de milhora dera C-28 en lòcs coma era connexion d’Arties enquia Gessa. Eth compromís totun, ei eth de potenciar aguesta carretèra autant coma era C-142b que va enquia Beret.

Ua accion impulsada pera Generalitat de Catalonha qu’a coma objectiu favorir era seguretat en aguesta via tà toti es sòns usatgèrs.